لقاء محمود كهربا في برنامج البيت الكبير

share on:

 

ظهر محمود عبدالمنعم ” كهربا “جناح النادي الأهلي و صاحب القميص رقم 26 عبر برنامج البيت الكبير مع الإعلامي هاني رمزي و الإعلامية سهام صالح في قناة النادي الأهلي قائلًا : ” بتعصب كتير في الماتشات لان أنا مبحبش أخسر ابدا”.


و وضح اللاعب قائلًا :” بداية مشواري الكروي وانا عندي 7 سنين كنت بحب العب في الشارع و في البداية كنت بقف حارس مرمى، أخويا كان بيلعب في الأهلي زمان وهو إلي شجعني أروح الأهلي وأنا عندي ١٠ سنين، كابتن بدر رجب هو اللي اكتشفني في الأول ومكنتش بحب اروح النادي كنت بفضل العب في الشارع مع صحابي، مشيت من النادي وانا عندي 15 سنة روحت إنبي” .

أضاف ” لما روحت إنبي سجلت 36 هدف في 20 ماتش و طلعت فريق أول وانا عندي 17 سنة، و كنت متأكد ان هرجع لبيتي النادي الأهلي تاني، ولعبت أول ماتش مع إنبي قدام الاهلي” .

كما حرص والد كهربا في مداخلة هاتفية للبرنامج قائلًا :” البرنامج ده فعلا إسم علي مسمي لان الأهلي هو البيت الكبير، احنا حياتنا كلها الأهلي و موجودي في مؤسسة كبيرة ومحترمة” .

و أضافت والدة كهربا :” كهربا كان طفل مؤدب و مكنش شقى خالص و من زمان متحمل المسؤلية و يارب يبقى أحسن لاعب في العالم، كهربا لما بيلعب بقفل التليفزيون وبمسك المصحف أقرا قرآن وادعيله، و ربنا هياخد حقنا من كل واحد غلط فينا و شتمنا”.

وفي نهاية المكالمة وجهووا لجمهور الأهلي” بشكر جمهور الأهلي إلي وقف جنب كهربا لحد ما رجع بيته الأهلي”.

أكمل كهربا حديثة عن الدوري السويسري قائلًا:” روحت وانا عندي 19 سنة وكان عندي طموح أكمل، هناك مكنش معايا مترجم و التمارين كانت الساعة 10 الصبح، لعبت 8 ماتشات و جبت 7 أهداف ورا بعض و بعد كدة حصلت مشكلة مع مدير الكرة في النادي وبعد كدة رجعت إنبي تاني”.

هاني رمزي قائلًا : “عايزينك معانا في النادي علي طول يا كهربا”.

أجاب كهربا : ” ان شاء الله هفضل في الأهلي طول عمري حتي لو هلم الكور بس، ده بيتي “.

وأيضا تحدث كهربا عن الجمهور قائلًا :” جمهور الأهلي بيدعمني من أول يوم جيت فيه وده رافع معنوياتي جدا، وان شاء الله نفوز ببطولة افريقيا ونفرح الجماهير، ودايما افرحكم و هشيلكم فوق راسي، جمهور الاهلي في حتة تانية خالص وعمل اكتر ما انا ممكن اعمله للنادي ، وبشكرهم على وقوفهم معايا وبشكر كابتن محمود الخطيب وامير توفيق وخالد مرتجي ان كان ليهم دور اني اكون موجود في الأهلي، طبعا بحترم جمهور نادي الزمالك و على راسي اكيد “.


أكد جناح النادي الأهلي قائلًا :” عندنا في النادي مبنعرفش يعني ايه خسارة و اللاعيبه كلها مستعدة و بنتمرن كويس وكل ماتش هنكسبه ان شاء الله عشان أفريقيا كلنا بنسعي ليها، مستر رينيه بيتكلم معانا كلنا قبل التمرين وقبل كل ماتش و بناخد ثقه في نفسنا اكتر “.

وبالنسبة لقرار العودة “ هو قرار صح جدا ان ارجع مصر وانا عندي 20 سنة و كمان ان ارجع النادي الأهلي دي احسن حاجة اكيد” ، يرى محمود عبد المنعم “كهربا” لاعب الأهلي أنه لم يصل لقمة مستواه مع الفريق الأحمر حتى الآن.

وقال كهربا عبر قناة الأهلي: “مستواي مع الأهلي حتى الآن لم يصل لـ 60% ولا يزال أمامي الكثير لأقدمه مع الفريق”.

وأضاف “لعبت 100 دقيقة فقط منذ قدومي، سجلت خلالهم ثلاثة أهداف وصنعت ثلاثة آخرين، لكنني ما زلت أنتظر المشاركة باستمرار وبصفة أكبر”.


سُئل اللاعب عن الاحتراف؟
أجاب كهربا قائلًا :” أنا محترف في الأهلي، طموحي أن أستمر هنا لعشر سنوات وليس ٤ سنوات فقط كما ف العقد.”.

و عندما سُئل عن أفضل هدف؟
قائلًا :” أفضل هدف جبته في حياتي إلي سجلته في منتخب المغرب “.

في مكالمة هاتفية شكر لاعب النادي الأهلي عمرو السولية في كهربا قائلًا :” كهربا محبوب و موهوب و اللاعيبه كلها مبسوطة بوجوده و كفاية حبه للنادى و ان شاء الله نحقق بطولات سوا”.

أضاف لاعب وسط الأهلي صالح جمعة في مكالمة هاتفية أخرى قائلًا : كهربا مكسب كبير للأهلي ولأي نادي وفنيًا مفيش حد يختلف عليه، ولاعب خلوق ومحترم ومن أعز أصدقائي في الأهلي.
وفي نهاية المكالمة وجه صالح شكر للجمهور قائلًا :” ثقة الجمهور فيا هي اللي بتخليني أرجع تاني وابقى كويس، وتابعت ردود فعل الجماهير يوم ما رجعت التدريب تاني و كنت مكسوف ومحرج من رد فعلهم وسعادتهم لمجرد عودتي للتدريبات”.

وأبدى مهاجم النادي الأهلي مروان محسن رأيه في كهربا قائلًا :” كهربا كويس و اضافه للفريق و بحب العب معاه و من أفضل اللاعيبه “، وأيضا اللاعب فهد الأنصاري لاعب القادسية الكويتي وضح” حبه الشديد لمحمود كهربا، وأنه لاعب موهوب”. 

تعليقات الفيس بوك